ქრონიკა

საქართველოს კარდიოლოგთა საზოგადოება გიწვევთ!

უწყვეტი სამედიცინო განათლების კონფერენციაზე: „ორმაგი ანტითრომბული თერაპიის გაიდლაინი - DAPT“-  

ევროპის კარდიოლოგთა საზოგადოების 2017 წლის გაიდლაინის განხილვა. იხ. მოსაწვევი  

საქართველოს კარდიოლოგთა საზოგადოების მე-5 კონგრესი

საქართველოს კარდიოლოგთა საზოგადოების მე-5 კონგრესი. 5-th Congress of Georgian Society Cardiology

                                                                   
                                                                                                კონგრესის პროგრამა  

უწყვეტი სამედიცინო განათლების კონფერენცია - „ ST სეგმენტის ელევაციით მიმდინარე მიოკარდიუმის მწვავე ინფარქტით პაციენტების მართვა“.

ა/წ   14 აპრილს ჩატარდა საქართველოს კარდიოლოგთა საზოგადოების უწყვეტი სამედიცინო განათლების კონფერენცია, რომლის მუშაობაშიც მონაწილეობა მიიღო 187 ექიმმა. კონფერენცია მიეძღვნა  ევროპის კარდიოლოგთა საზოგადოების 2017 წლის გაიდლაინის -  „ST სეგმენტის ელევაციით  მიმდინარე მიოკარდიუმის მწვავე ინფარქტით პაციენტების მართვა“ ძირითადი რეკომენდაციების განხილვას. აღნიშნულ თემატიკაზე აუდიტორიამ მოისმინა შემდეგი მოხსენებები:

- გადაუდებელი ღონისძიებები   STEMI -ის დროს.  მომხსენებელი ი. ხოჭოლავა.

- რეპერფუზიული  სტრატეგია STEMI -ის დროს.  მომხსენებელი ა. ალადაშვილი.

- STEMI - ით პაციენტების მედიკამენტური მკურნალობა ჰოსპიტალურ პერიოდში. მომხსენებელი ზ. კერესელიძე.

- STEMI - ით პაციენტების მედიკამენტური მკურნალობა  კლინიკიდან გაწერის შემდეგ. მომხსენებელი თ. კიკალიშვილი

- STEMI - ის გართულებები. მომხსენებელი რ. აგლაძე. ზ. ფაღავა.

კონფერენციის მონაწილეებს დაურიგდათ  ქართულად ნათარგმნი  გაიდლაინის ჯიბის   ვერსია და მიენიჭათ 5 კრედიტ-ქულა. 

კონფერენციის ორგანიზაციაში სპონსორული და ტექნიკური დახმარება გაგვიია „ჯი-ემ-პი“ - ფარმაცევტიულმა კომპანიამ, რისთვისაც ჩვენი საზოგადოება უხდის დიდ მადლობას.

საქართველოს კარდიოლოგთა საზოგადოების უწყვეტი განათლების კონფერენცია

 
 

ქრისტე აღსდგა!

                                                გილოცავთ აღდგომის ბრწყინვალე დღესასწაულს!


                                                                                          საქართველოს კარდიოლოგთა საზოგადოება

კონფერენცია - "პერიფერიული არტერიების დაავადებები"

"საქართველოს კარდიოლოგთა საზოგადოების" მიერ, ფარმაცევტული კომპანია "Takeda"-ს ხელშეწყობით, ტარდება ევროპის კარდიოლოგთა საზოგადოების 2017 წლის გაიდლაინის - „პერიფერიული არტერიების დაავადებები" განხილვა.

პროგრამა:

1. ESC-პერიფერიული არტერიების დაავადებები, ახალი გაიდლაინი - მოლოდინები და სიახლეები. ნ.ბოხუას სახ. კარდიოვასკულური ცენტრის დირექტორის მოადგილე, ექიმი-ანგიოქირურგი, პროფესორი მამუკა ბოკუჩავა

2. ანტიკოაგულანტი თუ ანტითრომბოციტული საშუალებები პად-ის დროს. კარდიოლოგიური კლინიკა „გული“-ს ექიმი-კარდიოლოგი, რითმოლოგი ხათუნა ჯალაბაძე

3. ჰიპოლიპიდემიური საშუალებების როლი პად პაციენტების მკურნალობაში. კარდიოვასკულური ცენტრის კარდიოლოგიური დეპარტამენტის ხელმძღვანელი, ექიმი-კარიდოლოგი, პროფესორი ზურაბ ფაღავა

4. ანტიჰიპერტენზიული პრეპარატების გამოყენება პად-ის დროს. კლინიკა „კარდიონეტი-პინეო“-ს ხელმძღვანელი, საქართველოს გულ-სისხლძარღვთა დაავადებების პრევენციისა და რეაბილიტაციის ასოციაციის პრეზიდენტი, ექიმი-კარდიოლოგი ზურაბ კლიმიაშვილი

 

კონფერენცია ჩატარდება 2017 წლის 23 დეკემბერს 11:00 თბილისის სახელმწიფო სამედიცინო უნივერსიტეტის სადისერტაციო დარბაზში. კონფერენციის მონაწილეებს გადაეცემათ საქართველოს კარდიოლოგთა საზოგადოების სერთიფიკატი და მიენიჭებათ 5 კრედიტ-ქულა.

 

ღონისძიებაზე დასასწრებად გთხოვთ დაუკავშირდეთ კომპანია "Takeda"-ს  ადგილობრივ წარმომადგენლობას.

პატივისცემით,

პროფ. ალ. ალადაშვილი

საქართველოს კარდიოლოგთა საზოგადოების პრეზიდენტი"

ავთვისებიანი სიმსივნის მკურნალობა და კარდიოვასკულური ტოქსიურობა

"საქართველოს კარდიოლოგთა საზოგადოების მიერ, ფარმაცევტული საწარმო "ჯი-ემ-პი" ხელშეწყობით, ტარდება ევროპის კარდიოლოგთა საზოგადოების 2016 წლის გაიდლაინის - "ავთვისებიანი სიმსივნის მკურნალობა და კარდიოვასკულური ტოქსიურობა" - ძირითადი რეკომენდაციების განხილვა.
პროგრამა
1. ავთვისებიანი სიმსივნეების მკურნალობის კარდიოვასკულური გართულებების პათოფიზიოლოგიური მექანიზმები. თ.ვახტანგაძე
2. ავთვისებიანი სიმსივნეების მკურნალობის კარდიოვასკულური გართულებების დიაგნოსტიკა. ი.ხოჭოლავა
3. ავთვისებიანი სიმსივნეების მკურნალობის კარდიოვასკულური გართულებების პრევენცია და მკურნალობა. თ. გაფრინდაშვილი
4. ავთვისებიანი სიმსივნეების მკურნალობის კარდიოვასკულური გართულებების მედიკამენტური მკურნალობის საშუალებები. თ.კიკალიშვილი

კონფერენცია ჩატარდება 2017 წლის 2 დეკემბერს 11:00 სასტუმრო "მუზა"-ს საკონფერენციო დარბაზში, მის. თბილის, კუს ტბის ქუჩა N1.
ღონისძიებაზე დასასწრებად გთხოვთ დაუკავშირდეთ "ჯი-ემ-პი" ადგილობრივ წარმომადგენლობას.

საქართველოს კარდიოლოგთა საზოგადოება

საქართველოს კარდიოლოგთა საზოგადოება წარმოადგენს პროფესიონალების ნებაყოფლობით გაერთიანებას, რომლის საქმიანობა წარიმართება არამომგებიანი ორგანიზაციის პრინციპებით. საქართველოს კარდიოლოგთა საზოგადოება არის ევროპის კარდიოლოგთა საზოგადოების წევრი, იზიარებს მის ძირითად პრინციპებს და მოქმედებს მისი რეკომენდაციების შესაბამისად. საზოგადოების მისია: საქართველოში კარდიოვასკულარური დაავადებებით გამოწვეული ავადობის, ინვალიდიზაციისა და ლეტალობის შემცირების ხელშეწყობა. საზოგადოების ამოცანები:

1. კარდიოვასკულარული მედიცინის სპეციალისტებისათვის მტკიცებულებებზე დაფუძნებული სამეცნიერო ინფორმაციის გავრცელების ხელშეწყობა

2. კარდიოლოგების უწყვეტი სამედიცინო განათლების ხელშეწყობა ევროპის კარდიოლოგთა საზოგადოების რეკომენდაციების შესაბამისად

3. კარდიოლოგიაში და მის სუბსპეციალობებში პროფესიული სტანდარტების შემუშავება

4. კარდიოლოგიაში და მის სუბსპეციალობებში პროფესიული მზადების პროგრამების შემუშავება

5. კარდიოლოგიაში და მის სუბსპეციალობებში უწყვეტი სამედიცინო განათლების სისტემის დანერგვისა და ეფექტური ფუნქციონირების ხელშეწყობა

6. ევროპის კარდიოლოგთა საზოგადოების გაიდლაინების და სხვა სარეკომენდაციო დოკუმენტების თარგმნა და ადაპტაცია საქართველოს ლოკალური სპეციფიკის გათვალისწინებით, მათი პრაქტიკული დანერგვის ხელშეწყობა

7. კარდიოლოგიურ პრაქტიკაში ხარისხის უზრუვნელყოფის საშუალებების დანერგვის ხელშეწყობა

ESC Congress

ევროპის კარდიოლოგთა საზოგადოების კონგრესი

 26 – 30 აგვისტო 2017 ესპანეთი, ბარსელონა.

 

 ძირითადი თემა: კანგავლითი კორონარული ინტერვენციის (PCI) 40 წელი.

ყველაზე დიდი კარდიოვასკულური კონგრესი მსოფლიოში; >500 ექსპერტული სესია და 

>10 800 აბსტრაქტი მსოფლიოში კარდიოვასკულური მედიცინის განვითარების ხელშესაწყობად.

ქრონიკა

აკად. გ. ჩაფიძის სახელობის გადაუდებელი კარდიოლოგიის ცენტრში 18 მარტს ჩატარდა ახალგაზრდა კარდიოლოგების ჯგუფის მორიგი სამუშაო შეხვედრა. მომხსენებელ პროფ. ალექსანდრე ალადაშვილისა და კარდიოლოგ ლევან რევაზიშვილის მიერ განხილულ იქნა მწვავე კორონარული სინდრომის (ST ელევაციის გარეშე) დიაგნოსტიკისა და მართვის საკითხები. შეხვედრა მიმდინარეობდა დისკუსიის რეჟიმში. შეხვედრის დამსწრე კარდიოლოგებს საქართველოს კარდიოლოგთა ასოციაციის მიერ მიენიჭა 2 კრედიტქულა. მორიგი შეხვედრა გაიმართება აპრილის შუა რიცხვებში

ა/წ 27-31 აგვისტოს ქ. რომში ჩატარდა ევროპის კარდიოლოგთა საზოგადოების კონგრესი 2016. ევროპის კარდიოლოგთა საზოგადოების კონგრესები წარმოადგენს მსოფლიოში ყველაზე დიდ და ავტორიტეტულ ღონისძიებას კარდიოვასკულური მედიცინის სფეროში. კონგრესის მუშაობის 5 დღის განმავლობაში 106 ქვეყნიდან ჩამოსულ 30000-ზე მეტ დელეგატს საშუალება ჰქონდათ დასწრებოდნენ 500-ზე მეტ სამეცნიერო-პრაქტიკულ სესიებს, რომლებიც მოიცავდნენ 150 სხვადასხვა თემატიკას. დეტალური ინფორმაცია კონგრესის სესიების, მოხსენებებისა და მასალების შესახებ თქვენ შეგიძლიათ ნახოთ ვებგვერდზე. http://www.escardio.org/Congresses-&- Events/ESC-Congress

საქართველოს კარდიოლოგთა საზოგადოების დელეგაციამ მონაწილეობა მიიღო ევროპის კარდიოლოგთა საზოგადოების კონგრსის მუშაობაში.

საქართველოს კარდიოლოგთა საზოგადოების წევრები კონგრესის საგამოფენო დარბაზში საზოგადოების სტენდის მზადების პროცესში.

 

ჩვენი პარტნიორები

კომპანიები, რომლების ზრუნავენ საქართველოს ექიმების პროფესიულ განვითარებაზე და აქტიურად თანამშრომლობენ ჩვენს საზოგადოებასთან უწყვეტი სამედიცინო განათლების პროცესში. ბერლინ ხემი. ჯი. ემ პი.