Proactively revolutionize granular customer service after pandemic internal or "organic" sources istinctively impact proactive human
Continually evisculate goal-oriented portals rather than prospective channels. excellent customize life
Continually evisculate goal-oriented portals rather than prospective channels. excellent customize life
Continually evisculate goal-oriented portals rather than prospective channels. excellent customize life
Continually evisculate goal-oriented portals rather than prospective channels. excellent customize life
Continually evisculate goal-oriented portals rather than prospective channels. excellent customize life
Continually evisculate goal-oriented portals rather than prospective channels. excellent customize life
გვინდა გაცნობოთ, რომ ევროპის კარდიოლოგთა საზოგადოებასთან შეთანხმების საფუძველზე შესაძლებელია გაიზარდოს ყოველწლიურ კონგრესში 40 წლამდე ასაკის კარდიოლოგებისათვის მონაწილეობის მსურველთა უფასო რეგისტრაციის კვოტა. დეტალებს 2025 წლის მაისის ბოლოს გაცნობებთ.
უფასო რეგისტრაციისთვის აუცილებელია, რომ კარდიოლოგი იყოს საქართველოს კარდიოლოგთა საზოგადოების მოქმედი წევრი და გადახდილი ჰქონდეს საზოგადოების 2025 წლის საწევრო გადასახადი.
შეგახსენებთ, რომ საქართველოს კარდიოლოგთა საზოგადოების დებულების თანახმად, აქტიური წევრობის სტატუსის გასაგრძელებლად, აუცილებელია, გადახდილი იყოს 2025 წლის საწევრო გადასახადი.
შესაბამისად, არააქტიურ წევრებზე საზოგადოების ნამდვილი წევრობის ცნობა არ გაიცემა და კარდიოლოგი ასევე ავტომატურად კარგავს ევროპის კარდიოლოგთა საზოგადოების წევრობასაც.
#გახდისაქართველოსკარდიოლოგთასაზოგადოებისწევრი
რეგისტრაცია
ევროპული გამოცდა ბაზისურ კარდიოლოგიაში (European Examination in Core Cardiology) შექმნილია კარდიოლოგიის ევროპულ კურიკულუმზე დაყრდნობით. არ არსებობს ერთიანი წყარო, საიდანაც ხდება კითხვების შემუშავდება. კითხვების ძირითადი ნაწილი ეფუძნება ევროპის კარდიოლოგთა საზოგადოების მიერ მოწოდებულ სახელმძღვანელოებს, კლინიკურ გზამკვლევებს, გაიდლაინებსა და პროტოკოლებს და მათი განახლება ყოველწლიურ რეჟიმში ხორციელდება.
EECC 2026-ზე დარეგისტრირების შემდეგ, 2026 წლის 17 მარტიდან თქვენ მიიღებთ წვდომას EECC-ის მოსამზადებელ კურსზე, რომელიც მოიცავს სხვადასხვა რესურსს (სტატიები, სახელმძღვანელოები, ვებინარები) და განკუთვნილია კანდიდატების საგამოცდო მომზადების მხარდასაჭერად.
მოსამზადებელი კურსი სტრუქტურირებულია კარდიოლოგისთვის განკუთვნილი 2020 წლის ESC-ის ძირითადი სასწავლო გეგმის მიხედვით და მოიცავს 8 ძირითად მიმართულებას.
ბაზისური კარდიოლოგიის გამოცდამდე 1 თვით ადრე ხელმისაწვდომი იქნება 60 კითხვისგან შემდგარი იმიტირებული გამოცდის ჩაბარება. რომელიც ასევე ჩატარდება ონლაინ მონიტორინგის პლატფორმის გამოყენებით.
იმიტირებული გამოცდის მიზანია გაგაცნოთ გამოცდის პლატფორმა, კითხვების ფორმატი და დაგეხმაროთ ძირითადი სასწავლო გეგმის სხვადასხვა ნაწილში თქვენი ცოდნის შეფასებაში.
დამყოლობის საერთაშორისო დღე გულის მსოფლიო ფედერაციის (WHF) გლობალური ინიციატივაა, რომელსაც მხარს უჭერენ მსოფლიოს წამყვანი სამედიცინო და სამეცნიერო საზოგადოებები, რომელიც უკვე მე-2 წელი ხორციელდება. მისიმიზანია მკურნალობაზე დამყოლობის შესახებ ცნობიერების ამაღლება. რათა შევამციროთ კარდიო მეტაბოლურ დაავადებებთან დაკავშირებული ავადობისა და სიკვდილობის ტვირთი.
ფრანგული ფარმაცევტული კომპანია “სერვიე”-ს საქართველოს წარმომადგენლობა, საქართველოს კარდიოლოგთა საზოგადოებასთან ერთად აქტიური მხარდამჭერია აღნიშნული ინიციატივის.
მკურნალობაზე დამყოლობის მნიშვნელობა:
მკურნალობაზე ცუდი დამყოლობა გლობალური პრობლემაა, განსაკუთრებით ისეთი ასიმპტომური ქრონიკული დაავადებების დროს, როგორიცაა ჰიპერტენზია, რომელსაც “ჩუმ მკვლელს” უწოდებენ. ასევე აქტუალური პრობლემაა შაქრიანი დიაბეტის, თირკმლის ქრონიკული დაავადების, გულის უკმარისობისა და ქრონიკული ვენური დაავადების დროსაც, რომლებიც ხშირი მიზეზია ავადობა-სიკვდილობის. მიუხედავად ეფექტური და ხელმისაწვდომი მკურნალობისა, დამყოლობა კვლავაც რჩება გადაუჭრელ გლობალურ პრობლემად სხვადასხვა მიზეზის გამო, როგორიცაა პაციენტების მხრიდან დაავადების არასათანადო აღქმა, სოცოიო-ეკონომიკური ბარიერები და სხვა.
ბოლოდროინდელი მტკიცებულებებით მკურნალობაზე ცუდი დამყოლობა მიიჩნება მოდიფიცირებად რისკ-ფაქტორად, რომელიც დაკავშირებულია კარდიო-მეტაბოლური დაავადების პროგრესირებასთან, ჰოსპიტალიზაციის სიხშირის ზრდასთან და სიკვდილობის მაღალ მაჩვენებლებთან. დამყოლობის გაუმჯობესებას შეუძლია: შეამციროს დაავადების პროგრესირება, მასთან დაკავშირებული გართულებები და ჯანდაცვის დანახარჯები. ასევე წაახალისოს პაციენტები, რათა მეტად აიღონ პასუხისმგებლობა და აქტიურად ჩაერთონ საკუთარ ჯანმრთელობაზე ზრუნვაში.
2026 წლის 30 მარტს სასტუმრო შერატონში, გაიმართება სამეცნიერო კონფერენცია თემით: ”მკურნალობაზე დამყოლობა – მულტიმორბიდული დაავადებების ფოკუსში”. ღონისძიებაზე მოწვეული იქნებიან სხვადასხვა დარგის ჯანდაცვის სპეციალისტები (პირველადი ჯანდაცვის რგოლის ექიმები, კარდიოლოგები, ენდოკრინოლოგები, ნევროლოგები). ღონისძიება წარუძღვება საქართველოს კარდიოლოგთა საზოგადოების პრეზიდენტი – პროფ. რუსუდან აგლაძე.
პანელურ დისკუსიაში მონაწილეობას მიიღებენ: კარდიოლოგი – ზურაბ კლიმიაშვილი, ენდოკრინოლოგი – პროფ. ელენე გიორგაძე, ანგიოლოგი – პროფ. მამუკა ბოკუჩავა, ნევროლოგი – თენგიზ წულაძე და ფსიქოთერაპევტი – პროფ. ლალი ბადრიძე.
ევროპის კარდიოლოგთა საზოგადოება ლიცენზირებულ კარდიოლოგებს სთავაზობს სერტიფიცირების შესაძლებლობას სუბცპეციალობების მიხედვით, რათა მსურველებმა შეამოწმონ და შეაფასონ ცოდნა და უნარები პოსტდიპლომური საგანმანათლებლო და სასწავლო გამოცდილების მიღების შემდეგ.
გთავაზობთ ევროპის კარდიოლოგთა საზოგადოების გამოცდების ჩამონათვალს და შესაბამის ლინკებს სუბსპეციალობების მიხედვით, სადაც შეგიძლიათ იხილოთ დეტალური ინფორმაცია გამოცდების თარიღის, დარეგისტრირების პროცესის და გამოცდის სტრუქტურის შესახებ:
2025 წლის დეკემბერში ევროკომისიამ წამოიწყო ევროკავშირის (EU) პირველი გულ-სისხლძარღვთა სისტემის ჯანმრთელობის ინიციატივა, „უსაფრთხო გულის გეგმა“. ეს ისტორიული ეტაპი პირველი შემთხვევაა, როდესაც გულ-სისხლძარღვთა სისტემის ჯანმრთელობის მნიშვნელობა ევროპულ საკანონმდებლო დონეზე განიხილება.
ევროპის კარდიოლოგთა საზოგადოება, გულ-სისხლძარღვთა ჯანმრთელობის ევროპული ალიანსის (EACH) პარტნიორებთან ერთად, უშუალოდ არის ჩართული ამ გეგმის განხორციელებაში
ESC-ის 2026 წლის გაზაფხულის სამიტი, რომელიც 5-6 მარტს სოფია ანტიპოლისში European Heart House-ში ჩატარდა, სწორედ აღნიშნულ ინიციატივას მიეძღვნა. სამიტში 58 ნაციონალური საზოგადოების, 7 ასოციაციის, 15 სამუშაო ჯგუფის და ევროპის კარდიოლოგთა საზოგადოების მმართველი გუნდის ლიდერები, მათ შორის ESC -ის პრეზიდენტი და არჩეული პრეზიდენტი მონაწილეობდნენ. სამიტის მუშაობაში საქართველოს კარდიოლოგთა საზოგადოების პრეზიდენტმა რუსუდან აგლაძემ და პრევენციის სამუშაო ჯგუფის ხელმძღვანელმა ზურაბ კლიმიაშვილმაც მიიღეს მონაწილეობა. გაიმართა სამუშაო შეხვედრები ევროპელ კოლეგებთან და დაიგეგმა ურთიერთ-თანამშრიმლობის შემდგომი ეტაპები.
ევროკავშირის უსაფრთხო გულის გეგმას პრევენციის, დაავადების ადრეული გამოვლენის, მკურნალობის, მოვლისა და რეაბილიტაციის ჰოლისტურ მიდგომას გულისხმობს. გეგმა ეხება კლასიკურ რისკ-ფაქტორებს: თამბაქოს და სიმსუქნეს; ასევე ახალ საფრთხეებს და სოციალურ და გარემოს დაცვით განმსაზღვრელ ფაქტორებს.
როგორ შეგვიძლია მომავალში სამი მთავარი გამოწვევის გადაჭრა?
დაბერება: მნიშვნელოვანია პაციენტზე ორიენტირებული მოდელების და ჰოლისტიკური პროგრამების შექმნა.
ქრონოლოგიური ასაკის მიღმა, ბიოლოგიური პროცესები, როგორიცაა ქრონიკული ანთება და მეტაბოლური ცვლილებები საგულისხმო როლს თამაშობენ დაბერების პროცესში.
დაბერების პროცესის შეჩერება შეუძლებელია, თუმცა ინტერდისციპლინარული პრევენციული სტრატეგიებისა და ინოვაციური თერაპიების მეშვეობით შესაძლებელია შევამციროთ მისი კარდიოვასკულური გამოვლინებები.
სიმსუქნე: რეკომენდებულია პრევენციის ადრე დაწყება, რეაბილიტაციაზე ერთიანი წვდომის უზრუნველყოფა და საზოგადოებრივი ცნობიერების ამაღლება (სკოლებში კვების შეფასება, საკვების მკაფიო ეტიკეტირება, ეროვნული პროგრამები).
გარემო და ნიკოტინი: რეკომენდებულია ჰაერის დაბინძურების ზემოქმედების შეფასება (მათ შორის შენობაში), მტკიცებულებებზე დაფუძნებული ცნობიერების ამაღლება.
Safe Heart Plan – „უსაფრთხო გულის გეგმა”-ის განხორციელება ნაციონალური კარდიოლოგიური საზოგადოებების, საკანონმდებლო ორგანოების წარმომადგენლების და საზოგადოების ფართო წრეების აქტიური ჩართულობით არის შესაძლებელი.
ESC Fund – Basic Cardiovascular Science Course 2026 – ახალი სასწავლო შესაძლებლობა, რომელიც აერთიანებს საბაზისო და კლინიკურ კარდიოვასკულარულ მეცნიერებას
ევროპის კარდიოლოგთა საზოგადოების (ESC) ფონდის საბაზისო მეცნიერების კურსი შეიქმნა მეცნიერების აღმოჩენების წასახალისებლად და კარდიოვასკულარული მკვლევარების მომავალი თაობის მხარდასაჭერად.
როგორც ESC ფონდის მიერ მხარდაჭერილი პირველი პროგრამა, კურსი უფასოა და ასევე გთავაზობთ გრანტს მგზავრობისა და აკომოდაციისთვის, რაც უზრუნველყოფს ხელმისაწვდომობას მთელი მსოფლიოს მასშტაბით კარიერის დასაწყისში მყოფი მეცნიერებისთვის, მათ შორის დაბალი და საშუალო შემოსავლის მქონე ქვეყნებიდან.
რით არის ეს კურსი გამორჩეული?
თქვენ ისარგებლებთ სრულად დაფინანსებული მონაწილეობის პაკეტით, რომელიც მოიცავს:
კურსი ხელს უწყობს მკვლევარებს შორის თანამშრომლობას, რაც აუცილებელია გულ-სისხლძარღვთა სფეროში მომავალი ინოვაციებისთვის. მსოფლიო დონის სასწავლო გამოცდილება კურსი სტრუქტურირებულია სამ კვირაზე:
ვის შეუძლია მიმართოს?
თუ თქვენ ხართ დოქტორანტი, ან მედიცინის დოქტორი, ან ხართ მკვლევარი, რომელმაც მოიპოვა მედიცინის დოქტორის ხარისხი ბოლო ხუთი წლის განმავლობაში, ESC ფონდის საბაზისო სამეცნიერო კურსი თქვენთვისაა!
კურსი განკუთვნილია კანდიდატისთვის, რომლებიც იმყოფებიან სამეცნიერო კარიერის ადრეულ ეტაპზე, მუშაობენ საბაზისო ან კლინიკურ მეცნიერებაში; კლინიცისტები, რომლებიც ცდილობენ ფუნდამენტური მექანიზმების უფრო ღრმა შესწავლას; მეცნიერები, რომლებიც ცდილობენ უფრო მჭიდროდ ჩაერთონ ტრანსლაციურ კვლევაში.
შერჩევა ეფუძნება დამსახურებას, მოტივაციას და კურსის მიზნებთან შესაბამისობას.
ვადები და პროცედურა: განაცხადის წარდგენის ბოლო ვადა 16 მარტი, 2026.
რეგისტრაციისთვის გადადით შემდეგ ლინკზე: რეგისტრაცია
აკად. გ. ჩაფიძის სახელობის გადაუდებელი კარდიოლოგიის ცენტრისა და ნ. ბოხუას სახელობის კარდიოვასკულური ცენტრის ინიციატივითა და ურთიერთთანამშრომლობით, წელს, უკვე მეორედ, მიმდინარე წლის ივნისში დაგეგმილია ავთანდილ ჯორბენაძის მემორიალური რეზიდენტთა სამეცნიერო კონფერენცია.
კონფერენციის მიზანი ახალგაზრდა ექიმების სამეცნიერო მუშაობის მოტივაციის, თეორიული და პრაქტიკული ცოდნის გაღრმავება, ანალიტიკური აზროვნების, პრეზენტაციისა და დისკუსიის უნარის გაზრდაა.
პირველი წარმატებული ღონისძიების შემდგომ, დამფუძნებლების გადაწყვეტილებითა და საქართველოს კარდიოლოგთა საზოგადოების მხარდაჭერით, კონფერენციაში მონაწილეობა შეეძლება საქართველოს მასშტაბით ნებისმიერ მსურველ რეზიდენტს კარდიოლოგიასა და მომიჯნავე სპეციალობებში.
გთხოვთ, ამა წლის 15 მარტამდე გამოგვიგზავნოთ პრეზენტაცია საინტერესო, იშვიათი კლინიკური შემთხვევების შესახებ თქვენი პროფესიული გამოცდილებიდან. თქვენი პრეზენტაცია, შესაძლოა, ეხებოდეს კარდიოვასკულური დაავადებების / შემთხვევების ან/და გამოსავლის სტატისტიკურ ანალიზს.
მიღებულ პრეზენტაციებს განიხილავს საქართველოს კარდიოლოგთა საზოგადოების და კარდიოლოგიური პროფილის უწყვეტი სამედიცინო და დიპლომისშემდგომი განათლების განმახორციელებელი სამუშაო ჯგუფი.
12 შერჩეულ მოხსენებას ავტორები მიმდინარე წლის ივნისში წარადგენენ ფართო აკადემიური დარბაზის წინაშე. მათგან საუკეთესო მომხსენებელი დაჯილდოვდება.
გთხოვთ, პრეზენტაციები გამოაგზავნოთ ელექტრონულ ფოსტაზე: residentsconference@gmail.com
საკონტაქტო პირები: მარიამ ლომიძე (ტელ.: 593123230); რუსუდან აგლაძე (ტელ.: 593788118).
აკად. გ. ჩაფიძის სახელობის გადაუდებელი კარდიოლოგიის ცენტრი: ecc.ge
ნ. ბოხუას სახელობის კარდიოვასკულური ცენტრი: angio.ge
გისურვებთ წარმატებებს!
30 ნოემბერს მიმდინარე აქციაზე სასტიკად გაუსწორდნენ, სცემეს და დროებითი დაკავების იზოლატორში გადაიყვანეს კარდიოლოგთა საზოგადოების გამგეობის წევრი, რითმოლოგი კახა ეცადაშვილი. ჩვენი კოლეგა თავის მშვიდობიან პროტესტს გამოხატავდა აქციაზე და, როგორც თვითმხილველები ჰყვებიან, თავისუფლების აღკვეთისას საქართველოს ჰიმნს მღეროდა.
საქართველოს კარდიოლოგთა საზოგადოება გმობს ყოველგვარ ძალადობას ჩვენი თანამოქალაქეებისა და კოლეგების მიმართ! ამ ეტაპზე არ გვაქვს ინფორმაცია მისი ჯანმრთელობის მდგომარეობის შესახებ.
მივმართავთ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრსა და სამართალდამცავ ორგანოებს, გთხოვთ, უზრუნველყოთ ჩვენი კოლეგის სათანადო სამედიცინო დახმარების უზრუნველყოფა და კატეგორიულად მოვითხოვთ, დაუყოვნებლივ გაათავისუფლოთ ჩვენი კოლეგა, რათა მან შეძლოს პროფესიული მოვალეობის შესრულება.
ასევე, კატეგორიულად ვემიჯნებით ევროკავშირში გაწევრიანების შეჩერებას და საქართველოს კონსტიტუციის 78 – ე მუხლის უგულებელყოფას, ვინაიდან მიგვაჩნია, რომ ევროსტრუქტურებში გაერთიანება უნდა იყოს ჩვენი ქვეყნის საგარეო პოლიტიკის ერთ – ერთი მთავარი პრიორიტეტი!
საქართველოს კარდიოლოგთა საზოგადოება სოლიდარობას უცხადებს უკრაინელ ხალხს და კოლეგებს, რომლებიც თავიანთ მოვალეობას ცეცხლსასროლი იარაღით ასრულებენ. რუსული არმიის ამ გაუმართლებელი შემოჭრის ფონზე, ჩვენ აღფრთოვანებული ვართ უკრაინელი ხალხის არაჩვეულებრივი გამბედაობით. ჩვენ ვგრძნობთ თქვენს ტკივილს და ვხედავთ უზარმაზარ ფასს, რომელსაც თქვენი ქვეყანა იხდის თავისუფლებისა და დამოუკიდებლობისთვის. ქართველი ექიმები, ჩვენი საზოგადოების წევრები მზად არიან მაქსიმალურად გაგიწიონ მხარდაჭერა. ჩვენ დარწმუნებული ვართ, რომ უკრაინა გაიმარჯვებს და სამყაროს უკეთეს ადგილად აქცევს, ღმერთმა დაგლოცოთ და გადაარჩინოთ თქვენი ქვეყანა ძვირფასო კოლეგებო.
წლიანი გამოცდილება
საქართველოს კარდიოლოგთა საზოგადოება წარმოადგენს პროფესიონალების ნებაყოფლობით გაერთიანებას, რომლის საქმიანობა წარიმართება არამომგებიანი ორგანიზაციის პრინციპებით.
საქართველოს კარდიოლოგთა საზოგადოება არის ევროპის კარდიოლოგთა საზოგადოების წევრი, იზიარებს მის ძირითად პრინციპებს და მოქმედებს მისი რეკომენდაციების შესაბამისად.
საქართველოს კარდიოლოგთა საზოგადოება წარმოადგენს პროფესიონალების ნებაყოფლობით გაერთიანებას, რომლის საქმიანობა წარიმართება არამომგებიანი ორგანიზაციის პრინციპებით.
საქართველოს კარდიოლოგთა საზოგადოება არის ევროპის კარდიოლოგთა საზოგადოების წევრი, იზიარებს მის ძირითად პრინციპებს და მოქმედებს მისი რეკომენდაციების შესაბამისად.
საზოგადოების მისია: საქართველოში კარდიოვასკულარური დაავადებებით გამოწვეული ავადობის ინვალიდიზაციისა და ლეტალობის შემცირების ხელშეწყობა.
მოქმედი პრეზიდენტი 2025
საპატიო პრეზიდენტი 2022-2025
საპატიო პრეზიდენტი 2013 - 2022
საპატიო პრეზიდენტი 2002 - 2013
საპატიო პრეზიდენტი 1991 - 2002
